ಹೊಸ ವರುಷ

ಬರ,ನೆರೆ, ಸಾವು, ನೋವಿನಲಿ
ಜಾಗತಿಕ ತಾಪಮಾನದಲಿ
ನೊಂದು, ಬೆಂದು
ನಡುವೆ ಅಲ್ಲೊಂದು ಇಲ್ಲೊಂದು
ಸಾಧನೆಯ, ಸಂತಸದ
ದಿನ, ಘಳಿಗೆಗಳಲಿ ಮಿಂದು
ಕಳೆದು ಹೋಯಿತು ವರುಷ
ಬರುತಿದೆ ಹೊಸ ವರುಷ
ತರಲಿ ಪ್ರತಿ ನಿಮಿಷ
ಎಲ್ಲರಿಗು ಹರುಷ

ಎದ್ದೇಳಿ ಗೆಳೆಯ ಗೆಳತಿಯರೇ
ಬನ್ನಿ, ಒಟ್ಟಾಗಿ ಮಾಡೋಣ ಸಂಕಲ್ಪ
ದೊರಕಿಸಲು ಹಸಿದವರಿಗನ್ನವನು,
ನಿರ್ವಸತಿಗರಿಗಾಶ್ರಯವನು,
ಬರಿಯ ಬರಹದಲೇನು ಬಂತು
ಕೂಡಿ ಎಲ್ಲರು ನೀಡಿ ಬಲವನು
ಮಾಡಿದರೆ ಕೆಲಸ, ಆಗುವುದು ಮನಕೆ ಹರುಷ
ಆ ದೇವ ಮೆಚ್ಚುವನು ಈ ಕೆಲಸ
ಪ್ರೀತಿ, ಸ್ನೇಹ, ಸಹಬಾಳ್ವೆ
ಸಹಕಾರ, ಸಮರಸದಲಿ
ಆಗುವುದು ಈ ಭೂಮಿ ಕೈಲಾಸ

ಜೈ "ಶಿಕ್ಷಕರ ದಿನ"

"ಶಿ"ರಬಾಗಿ ನಮಿಸೋಣ
"ಕ್ಷ"ಣ ಕ್ಷಣವು ನೆನೆಯೋಣ
"ಕ"ಣ್ಣುಗಳ ತೆರೆಸಿದ ಗುರುಗಳಿಗೆ

ಜೈ "ಶಿಕ್ಷಕರ ದಿನ"

ಸ್ವಾತಂತ್ರ್ಯದ ಶುಭದಾರತಿ

ಬೆಳಕು ಮೂಡುವ ಮೊದಲು
ಬೆಳಗೋಣ ಭಾರತಾಂಬೆಗೆ
ಸ್ವಾತಂತ್ರ್ಯದ ಶುಭದಾರತಿ

ನೆನೆಯೋಣ ಮಡಿದವರ
ಕೆಚ್ಚೆದೆಯ ವೀರರ
ಸ್ವಾತಂತ್ರ್ಯ ದಿನ ಇರಲಿ ನಿರಂತರ

ತಪ್ಪು ಮಾಡದ ಪ್ರಾಣಿ

ಅಂದು ಭಾನುವಾರ
ಬೆಳಿಗ್ಗೆ ಸುಮಾರು ಏಳು ಘಂಟೆಯ ಸಮಯ
ಇನ್ನೂ ಹಾಸಿಗೆಯಿಂದ ಎದ್ದಿರದ
ಹಗಲುಗನಸಿನ ಸವಿಯಲ್ಲಿ
ಜಗವ ಮರೆತಿದ್ದೆ
ಹಾಂ! ಕೇಳಿಸಿತು ಒಡನೆ
'ಡಮಾರ್" ಎಂಬ ಸದ್ದು
ಒಡನೆ ಗಾಬರಿಗೊಂಡು ಎದ್ದು ಓಡಿದೆ
ಅಡುಗೆಮನೆಯೆಡೆಗೆ
ಗ್ಯಾಸ್ ಸಿಲಿಂಡರ್ ಏನಾಯಿತೋ ಎಂದು !
ಅಬ್ಬ! ಏನು ಆಗಿರಲಿಲ್ಲ
ಸರಿ, ಹಾಗಿದ್ದರೆ ಸದ್ದೆಲ್ಲಿಯದು?
ಮಲಗುವ ಕೊಠಡಿಯ ಪಕ್ಕದಲ್ಲೇ
ಕೇಳಿತ್ತು ಸದ್ದು
ಆಚೆ ಹೋಗಿನೋಡಲು
ನೆರೆದಿತ್ತು ಅಲ್ಲಿ ಕಾಗೆಗಳ ಗುಂಪು
'ಕಾ ಕಾ ' ಎಂಬ ಬಿಡದ ಕೂಗು
ಬೇಕೆಂದರು ಒಮ್ಮೆಯೂ ಕಾಗೆ ಗುಬ್ಬಿಗಳು
ಕಾಣದ ಬೆಂಗಳೂರಿನ ಬಡಾವಣೆಯಲ್ಲಿ
ಇದ್ದಕ್ಕಿದ್ದಂತೆ ಇಷ್ಟೊಂದು ಕಾಗೆ ಒಟ್ಟಾಗಿ
ಕಂಡು ಬೆರಗಾಗಿ ಕುತೂಹಲದಿಂದ ನೋಡ ಹೋದೆ
ಛೆ! ಹೀಗೆ ಆಗಬಾರದಿತ್ತು !
ಅಲ್ಲಿ ಸತ್ತು ಬಿದ್ದಿತ್ತು ಒಂದು ಕಾಗೆ
ವಿದ್ಯುತ್ ತಂತಿಯ ಸ್ಪರ್ಶದಿಂದ !
ಎಂತಹ ಅಚಾತುರ್ಯ ,
ತಪ್ಪು ಮಾಡದ ಪ್ರಾಣಿಗೆ ಆಗಿತ್ತು ಶಿಕ್ಷೆ !
ಆದರು ಕಾಗೆಗಳ ಸ್ಪಂದನ ಕಂಡು
ಆಯಿತು ಆನಂದ , ಜತೆಗೆ ವ್ಯಥೆ
ನಾವು ಮನುಜರು ಹಾಗಿಲ್ಲವೆಂದು!
ನೆನೆಪಾಗಿತ್ತು ಶಾಲಾ ದಿನಗಳಲ್ಲಿ ಓದಿದ್ದ
ಕವನ ,ಕವಿ ಸಿ.ಪಿ,ಕೆ ಯವರದ್ದು
'ವಿದ್ಯುದಾಲಿಮ್ಗನಕೆ ಸಿಕ್ಕು ಸತ್ತಿದೆ ಕಾಗೆ
ತಪ್ಪು ಮಾಡದ ಪ್ರಾಣಿ ಶಿಕ್ಷೆ ಪಡೆಯುವ ಹಾಗೆ"

ಪ್ರೀತಿಯ ಓದುಗರಿಗೆ ಭಾವಧಾರೆಯ ಬರಹಗಾರ್ತಿಯ ನಮಸ್ಕಾರ .
ಇದು ನನ್ನ ಮೊದಲ ಬ್ಲಾಗ್ ಧಾರೆ ,
ನನ್ನ ಮನಸಿನ ಮೌನ ಧಾರೆ, ಓದಿ ,ಹೇಗಿತ್ತು ? ತಿಳಿಸಿ, ಹರಸಿ, ಬೆಳೆಸಿ.

ಇದು ಅಮ್ಮನನ್ನು ಕಾಣದ ಎಲ್ಲರ ಮನದ ಕವನ

ಅಮ್ಮನಿಗೆ

ಅಮ್ಮ ನನ್ನ ಮನದಲಿಂದು
ನಿನ್ನ ನೆನಪು ಮೂಡಿ ಬಂದು
ಮರೆತೆ ನಾನು ನನ್ನನು
ಬರೆದೆ ಕವಿತೆಯೊಂದನು

ಪ್ರಕೃತಿಯಲ್ಲಿ ಪರಿ ಪರಿಯಲಿ
ಕಂಡೆ ನಾನು ನಿನ್ನನು
ಕಾಮಧೇನು ತಾಯಿ ನೀನು
ಬಂದು ಮುದ್ದಿಸೆನ್ನನು

ಜನುಮ ಕೊಟ್ಟು ಜಗವ ಬಿಟ್ಟು
ಹೋದೆ ಏಕೆ ತಾಯೇ
ಅಳುವ ಮನಕೆ ಬೆಳೆಕು ಬಿಟ್ಟು
ತೋರು ನಿನ್ನ ಛಾಯೆ
---ದೇವಿಸುತೆ
********