ಬರ,ನೆರೆ, ಸಾವು, ನೋವಿನಲಿ
ಜಾಗತಿಕ ತಾಪಮಾನದಲಿ
ನೊಂದು, ಬೆಂದು
ನಡುವೆ ಅಲ್ಲೊಂದು ಇಲ್ಲೊಂದು
ಸಾಧನೆಯ, ಸಂತಸದ
ದಿನ, ಘಳಿಗೆಗಳಲಿ ಮಿಂದು
ಕಳೆದು ಹೋಯಿತು ವರುಷ
ಬರುತಿದೆ ಹೊಸ ವರುಷ
ತರಲಿ ಪ್ರತಿ ನಿಮಿಷ
ಎಲ್ಲರಿಗು ಹರುಷ
ಎದ್ದೇಳಿ ಗೆಳೆಯ ಗೆಳತಿಯರೇ
ಬನ್ನಿ, ಒಟ್ಟಾಗಿ ಮಾಡೋಣ ಸಂಕಲ್ಪ
ದೊರಕಿಸಲು ಹಸಿದವರಿಗನ್ನವನು,
ನಿರ್ವಸತಿಗರಿಗಾಶ್ರಯವನು,
ಬರಿಯ ಬರಹದಲೇನು ಬಂತು
ಕೂಡಿ ಎಲ್ಲರು ನೀಡಿ ಬಲವನು
ಮಾಡಿದರೆ ಕೆಲಸ, ಆಗುವುದು ಮನಕೆ ಹರುಷ
ಆ ದೇವ ಮೆಚ್ಚುವನು ಈ ಕೆಲಸ
ಪ್ರೀತಿ, ಸ್ನೇಹ, ಸಹಬಾಳ್ವೆ
ಸಹಕಾರ, ಸಮರಸದಲಿ
ಆಗುವುದು ಈ ಭೂಮಿ ಕೈಲಾಸ
